"التشنج الحرارى"
=========
عيل من 6 شهور ل 6 سنين يسخن عادى السخونة تزيد يبدأ يتشنج وعنيه تغرب ويقطع النفس ربنا يكون فعون امه وابوه ساعتها ,دى طريقة بيتخلص بيها الطفل من الحرارة مش مرض فالجهاز العصبى خالص ولا هوا صرع فيه ناس بتاخد ديباكين عشان التشنج الحرارى حرام دة مش محتاج اى ادوية دورية مجرد نتعامل مع الحرارة*الام تعمل أيه؟؟؟*
تنيم الطفل على الارض على جنبه عشان اغلب الاطفال اللى بتتشنج بترجع فعشان ميشرقش وينزل الترجيع فصدره يعمله التهاب رئوى ننيمه على جنبه,
""الوقاية""
الحرارة تحت الأبط أقل من حرارة الجسم عشان كدة لما نقيسها نزود نص درجة عن تحت اللسان
"38" كمادات الرقبه و تحت الابط و تحت السره لحاد الفخدين +خافض حرارة
"38.5 الى40 فما فوق"
نقلع العيل هدومه ونغسل نصه اللى تحت بمية فاترة مش ساقعة 5 دقايق لو نزلت نكمل كمادات منزلتش ,نحميه من رأسه لرجله 5 دقايق
((مافيش حاجة اسمها الدنيا ساقعة أحنا فكياك -الواد حيجيله نزلة -منجبش مية على راسه لأحسن مخه يبوظ-الواد لسة عنده شهرين))<<<==== إشاعات حط العيل تحت المية مش حيجراله حاجة فى نار مولعة نطفيها بعدين نشوف السبب
*خوافض الحرارة :-
أزاى الأم تدى طفلها خوافض حرارة من غير أستشارة طبيب
أنا حأعلمكم سر المهنة
نرتبهم من الأضعف للأقوى
1-باراسيتامول(بارامول-سيتال-أدول-فيفادول-....)== من عمر يوم
2-إيبوبروفين(بروفين -كونتافيفر-ايبوفلام -ايبوفين-ميجافين)===من 4 شهور
3-ديكلوفيناك
"لبوس"(دولفين-بيبيى ريلييف-فولتارين-....)===من 6 شهور
"نقط"(كتافلام-دولفين) == فى أضيق الحدود لأقل من سنة ألم شديد طهارة جراحة
"شراب"(كتافلاى)==== مش قبل سنة خالص
نبدأ بالسيتال وأخواته لو منزلتش نعمل ميكس مع البروفين و أخواته بالتبادل كل 6 ساعات
*الجرعة:-
"سيتال"
=====
-نقط :-
وزن 5 كيلو ==> نص قطارة كل 6 ساعات
وزن 7.5 كيلو ==>قطارة الا ربع كل 6 ساعات
وزن 10 كيلو==> قطارة كاملة كل 6 ساعات
-شراب:-
ضعف الكمية عشان التركيز مختلف
وزن 5 كيلو ==>قطارة كاملة كل 6 ساعات
وزن 7.5 كيلو ==>قطارة ونص كل 6 ساعات
وزن 10 كيلو==> 2 قطارة أو 2 سم بالسرنجة كل 6 ساعات
-بروفين وأخواته:-
========== نص الوزن بالمل كل 6 ساعات
وزن 5 كيلو ==> 2,5 سم كل 6 ساعات
وزن 7 كيلو ==>3,5سم كل 6 ساعات
وزن 10 كيلو==> 5سم كل 6 ساعات
نص الوزن
-نقط كتافلام-دولفين:-
============ وزن الطفل بالنقط كل 8 ساعات
وزن 5 كيلو ==> 5 نقط كل 8 ساعات
وزن 7 كيلو ==>7نقط كل8 ساعات
وزن 10 كيلو==> 10نقط كل 8 ساعات
الدكتور رامي احمد فؤاد
تعليقات